قومی کرکٹر عمر اکمل نے دعویٰ کیا ہے کہ انھیں پاکستان ٹیم میں نہ کھلانے کےلیے فون کالز آتی تھی اور بیٹر کو کھلانے کےلیے منع کیا جاتا تھا۔
نجی چینل پر گفتگو کرتے ہوئے عمر اکمل نے بتایا کہ ایک کپتان تھا رضا علی ڈار، میں آپ کو اسکا نمبر بھی دے سکتا ہوں اور آپ خود کال کرکے تصدیق کرسکتے ہیں، انہیں کرکٹ بورڈ سے اوپر سے کال آتی تھی کہ عمر اکمل کو نہیں کھلانا ہے۔
عمر اکمل نے بتایا کہ تاہم اس کپتان نے میرے لیے اسٹینڈ لیا کہ میں اسے کیسے نہ کھلائوں، عمر اکمل جیسا بیٹر میں کیسے باہر بٹھائوں۔
5 کپتانوں کو ایک کمرے میں بند کردیں پھر۔۔۔۔ عمر اکمل کا انوکھا مشورہ
سابق وکٹ کیپر کامران اکمل کے بھائی عمر نے زور دیتے ہوئے کہا کہ اگر میں ابھی نام لینا شروع کردوں تو آپ کہیں گی کہ عمر بھائی بس کردیں، آپ اتنی گہرائی میں چیزیں کیوں بتا رہے ہیں کرکٹ سے ہمارا دل کیوں اٹھا رہے ہیں۔
عمر اکمل نے کہا کہ آپ حقیقت سن کر کہیں گے کہ ہمارا دل نہیں کرے گا کرکٹ دیکھنے کا کہ ماضی میں یہ ایک پلیئر کے ساتھ اس قدر پرسنل ہوئے ہیں
ماضی میں کوئٹہ گلیڈی ایٹر کی نمائندگی کرنے والے کرکٹر نے بتایا کہ جب سے اللہ تعالیٰ نے مجھے سرخ رو کیا ہے اس کے بعد سے میرے ساتھ ایسے معاملات ہوئے ہیں۔
میزبان نے ان سے سوال کیا کہ دوران تین چار چیئرمین آئے ان میں سے کسی نے بھی آپ سے رابطہ کرنے کی کوشش نہیں کی، تو عمر اکمل کا کہنا تھا کہ میں آپ کو بتا رہاہوں کہ انھوں نے میرے ساتھ کیا ہی ایسا ہے کہ کپتانوں کو کہا جاتا تھا کہ اسے نہ لیں۔
قومی ٹیم میں واپسی کی خواہش پر وہاب ریاض نے عمر اکمل سے کیا کہا تھا؟
