کراچی : ملیر میں گزشتہ روز رینجرز کی چوکی کے قریب کریکر حملے کا مقدمہ درج کرلیا گیا، سی ٹی ڈی میں درج کیے جانے والی ایف آئی آر میں متعدد دفعات شامل کی گئی ہیں۔
اے آر وائی نیوز کی رپورٹ کے مطابق کراچی کے علاقے ملیر کالا بورڈ پر گزشتہ روز رینجرز چوکی کے قریب دستی بم حملے کا مقدمہ سی ٹی ڈی میں درج کرلیا گیا۔
پولیس کے مطابق مذکورہ مقدمہ ایکسپلوزو ایکٹ اور دہشت گردی کی دفعات کے تحت درج کیا گیا ہے،
دھماکا کسی کالعدم تنظیم نے خوف پھیلانے اور جانی نقصان پہنچانے کیلئے کیا۔
مزید پڑھیں : کراچی میں رینجرز کی چوکی کے قریب کریکر حملہ
ایف آئی آر کے متن میں کہا گیا ہے کہ ملزمان نے کریکر حملے میں روسی ساختہ کریکر آر جی ڈی ون استعمال کیا، تاہم دھماکے میں کوئی جانی نقصان نہیں ہوا۔
