لندن: برطانیہ نے اپنے شہریوں کو پاکستان اور بھارت کا سفر نہ کرنے کی ہدایت کردی اور کہا پاک بھارت بارڈر سمیت ایل اوسی کےقریب سفرنہ کیاجائے۔
تفصیلات کے مطابق برطانیہ نے اپنے شہریوں کو پاکستان اور بھارت سے متعلق سفری انتباہ جاری کر دیا، جس میں کہا گیا ہے کہ برطانوی شہری پاکستان اور بھارت کا غیرضروری سفر نہ کریں۔
برطانوی شہریوں سے کہا گیا ہے پاک بھارت سرحد سمیت ایل او سی کے قریب سفر نہ کیا جائے۔
گذشتہ روز بھارت میں دہشت گردی، جرائم اور آبرو ریزی کے بڑھتے واقعات کے تناظر میں امریکا نے اپنے شہریوں کو بھارت کا سفر نہ کرنے کی ہدایت کی تھی۔
واشنگٹن نے اپنے شہریوں کے لیے نئی سفری ہدایات جاری کی تھی ، امریکی محکمہ خارجہ کا کہنا تھا کہ دہشت گردی کی وجہ سےوسطی اورمشرقی بھارت کے حصےغیر محفوظ ہیں۔
مزید پڑھیں : امریکا نے پاکستان اور بھارت کیلئے نئی ٹریول ایڈوائزری جاری کر دی
ایڈوائزری میں منی پور میں تشدد اورجرائم کےعلاوہ بھارت میں ریپ کے بڑھتے ہوئے واقعات کا بھی تذکرہ کیا گیا تھا۔
ایڈوائزری میں جموں وکشمیر اور لداخ میں بد امنی اور حملوں کا انتباہ کرتے ہوئے کہا گیا تھا کہ سیاحتی مقامات، شاپنگ مالز،بازاروں اور سرکاری عمارتوں پر حملوں کاخطرہ ہے۔
محکمہ خارجہ نے بتایا تھا بھارتی سیاحتی مقامات پرپُرتشدد جرائم اورجنسی حملوں کی رپورٹس ہیں، پاکستان بھارت سرحدوں پرمسلح تصادم کےخطرات ہیں۔ سیکورٹی خدشات پر پاکستانی حکومت نے امریکی سفارتکاروں کی نقل وحرکت محدود کردی، بلوچستان اور خیبر پختونخوا میں دہشت گردی کے خطرات کا خدشہ ظاہر کیا گیا۔
