اسپینش- کیوبن اداکارہ اینا ڈی آرمس نے ایک ویڈیو انٹرویو میں انکشاف کیا ہے کہ انھیں انگریزی زبان سیکھنے کے لیے کتنی مشقت اٹھانا پڑی۔

نئے یوٹیوب انٹرویو میں انٹرٹینمنٹ ویکلی کے ساتھ گفتگو کرتے ہوئے اسپینش- کیوبن اسٹار نے سابقہ بیان اپنے بیان کی تصدیق کی جو انھوں نے سیٹرڈے نائٹ لائیو کی میزبانی کے دوران دیا تھا، شو میں اینا نے کھل کر بتایا کہ انگریزی زبان سیکھنے کےلیے انھوں نے کتنی محنت کی۔

اینا ڈی آرمس نے بتایا کہ فرینڈز شو دیکھ کر انھوں نے انگریزی سیکھی اور یہاں تک کہ میتھیو پیری کے کردار چاندلر بنگ کو انھوں نے بہترین استاد قرار دیا۔

37 سالہ اسپینش اداکارہ نے بتایا کہ میرے لیے انگریزی زبان سیکھنے کا ایک طریقہ یہ تھا کہ پہلے اسے سنوں اور اس کےلیے مجھے ٹی وی آن کرنا پڑا۔

گھوسٹڈ کی اداکارہ نے بتایا کہ فرینڈز ان شوز میں سے ایک تھا جسے میں نے انگریزی سب ٹائٹلز کے ساتھ دیکھا تھا تاکہ میں اسے جمع کرسکوں اور لہجے پر عمل کر سکوں۔

کیوبا سے لاس اینجلس منتقل ہونے کے بعد وہ صرف اسپینش اور بنیادی انگریزی بول سکتی تھیں، لہذا انھوں نے دو سال کے اندر محنت سے انگریزی سیکھی

انھوں نے بتایا کہ میں اب بھی اپنی زبان کو بہتر بنانے پر کام کر رہی ہوں اور لاس اینجلس پہنچنے کے بعد میں یقینی طور پر بڑے آڈیشنز اور میٹنگز کے لیے تیار نہیں تھی۔