کراچی : پاکستان میں فی تولہ سونے کی قیمت میں آج بھی بڑا اضافہ ہوا اور فی تولہ کی قیمت ایک بار پھر بلند ترین سطح پر پہنچ گئی۔
تفصیلات کے مطابق بین الاقوامی اور مقامی مارکیٹ میں دوسرے روز بھی سونے کی قیمتوں میں اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن نے بتایا کہ پاکستان میں سونے کی فی تولہ قیمت میں 6,100 روپے کا اضافہ ہوا اور فی تولہ کی قیمت 3 لاکھ 56 ہزار 100 روپے پر پہنچ گئی۔
اسی طرح 10گرام سونا 5232 روپے اضافے سے 3 لاکھ 5 ہزار 300 روپے کا ہوگیا۔
عالمی مارکیٹ مارکیٹ میں سونا 61 ڈالر اضافے سے 3316 ڈالر سے بڑھ کر 3377 ڈالر ہو گیا جبکہ چاندی کی قیمت 0.57 ڈالر اضافے سے 33.00 ڈالر ہوگئی۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
