وفاقی وزیر احسن اقبال نے کہا ہے کہ بھارت کا پوری دنیا میں مذاق بن گیا ہے کل کو مودی کو فلو ہو گیا تو اس کا الزام بھی وہ پاکستان پر نہ لگا دیں۔
اے آر وائی نیوز کے مطابق وفاقی وزیر ترقی اور منصوبہ بندی احسن اقبال نے نارووال میں تقریب سے خطاب کرتے ہوئے کہا ہے کہ بھارت کا پوری دنیا میں مذاق بن گیا ہے۔ پہلگام فالس فلیگ آپریشن ہے، اس میں پاکستان کے ملوث ہونے کا کوئی ثبوت بھارت کے پاس نہیں ہے۔
احسن اقبال نے کہا کہ مودی کو کل کو اگر فلو ہو گیا تو اس کا الزام بھی پاکستان پر نہ لگا دیں۔ تاہم پاکستان اپنی آزادی اور سالمیت کے دفاع کے لیے چوکس ہے۔
وفاقی وزیر نے کہا کہ سوشل میڈیا سے ہر شخص متاثر ہو رہا ہے۔ نوجوان نے سوشل میڈیا سے متاثر ہو کر ہی مجھ پر حملہ کیا۔ ہم نے پاکستانی معاشرے کو زندہ معاشرہ بنانا ہے۔ حکومت پورے ملک میں تعلیم کے منصوبوں کو پھیلا رہی ہے۔
ایسا سبق سکھائیں گے کہ مائیں بچوں سے کہیں گی پاکستان سے پنگا مت لینا، عطا تارڑ
