کراچی : کراچی پورٹ ٹرسٹ (کے پی ٹی) نے مینگروز کی کٹائی کے خلاف پہلی ایف آئی آر درج کروادی۔
تفصیلات کے مطابق مینگروز کی غیرقانونی کٹائی کے خلاف کراچی پورٹ ٹرسٹ (کے پی ٹی) نے ایکشن لیتے ہوئے پہلی ایف آئی آر درج کروادی۔
ڈاکس تھانے میں مینگرووز کاٹنے پر مجرم کے خلاف پہلی ایف آئی آر درج کر لی گئی۔
مینگروز کی غیرقانونی کٹائی کے زمہ داروں کی شناخت کے پی ٹی اینٹی اینکروچمنٹ سیکشن نے کی۔
کے پی ٹی نے ایف آئی آر سندھ فارسٹ ڈیپارٹمنٹ کی مدعیت میں درج کروائی ، ایف آئی آر میں عبدالطیف، طارق ولد جمن اور بلال ولد محمد ملزمان کو نامزد کیا گیا ہے۔
ملزمان مینگروز کی غیرقانونی کٹنگ میں ملوث ہیں، ملزمان مینگروو کاٹتے تھے اور لکڑیاں جلانے کے لیے استعمال کرتے ہیں۔
