بنوں میں جاری پی سی بی چیلنج کپ میں نوجوان کرکٹر کا دل کا دورہ پڑنے سے انتقال ہوگیا۔
نوجوان کرکٹر علیم خان کی اچانک موت پر پاکستان میں ڈومیسٹک کرکٹرز، آفیشل اور شائقین کی جانب سے افسوس کا اظہار کیا جارہا ہے۔
خاندانی ذرائع نے تصدیق کی ہے کہ بنوں کے رہائشی 24 سالہ بالر علیم خان کی تدفین کردی گئی ہے۔
امپائر انعام اللّٰہ خان کے مطابق علیم خان میچ کے دوران بولنگ کرتے ہوئے گرگئے تھے، انہیں فوری طور پر اسپتال لے جایا گیا مگر وہ جانبر نہ ہوسکے۔
واضح رہے کہ پی سی بی نے حالیہ برسوں میں کھلاڑیوں کی فٹنس پر توجہ مرکوز کی ہوئی ہے۔
پی سی بی چیلنج لیگ کے ٹیلنٹ کو پاکستان کرکٹ کے ڈومیسٹک منظرنامے کی روشنیوں تک پہنچنے میں مدد کرنے کے لیے ڈیزائن کیا گیا ہے۔
بنوں، خیبرپختونخوا میں واقع ہے جہاں کرکٹ کے شوقین ہیں، علیم خان جیسے بہت سے لوگ مستقبل میں گرین شرٹ پہننے کا خواب دیکھتے ہیں۔
