راولپنڈی میں ہاؤسنگ سوسائٹیز میں بلیک آؤٹ رکھنے کے احکامات جاری کردیے گئے۔
اے آر وائی نیوز کے مطابق حکم نامے میں کہا گیا ہے کہ شام 7 سے صبح 5 بجے تک مکمل بلیک آؤٹ رہے گا، شہریوں کو گھروں اور دفاتر کی کھڑکیاں مکمل کور رکھنے کے احکامات جاری کیے گئے ہیں۔
ذرائع کا کہنا ہے کہ بلیک آؤٹ کے احکامات بھارتی جارحیت، سیکیورٹی کے پیش نظر جاری کیے گئے ہیں۔
حکم نامے کے مطابق تمام رات اسٹریٹ لائٹس بھی بند رکھی جائیں گی، رہائشی بھی گھروں کے باہر اور پورچ وغیرہ کی لائٹس رکھنے کے پابند ہوں گے۔
شہریوں کو گھروں میں محدود لائٹس استعمال کرنے کی ہدایت کردی گئی ہے، شہریوں کو بلیک آؤٹ کے دوران غیرضروری سفر سے بھی اجتناب کی ہدایات کی گئی ہیں۔
راولپنڈی کی ہاؤسنگ سوسائٹیز انتظامیہ کو باقاعدہ آگاہ کردیا گیا ہے۔
