آج سے روس اور یوکرین کے درمیان جنگ بندی کا باقاعدہ آغاز ہوگیا، یہ جنگ بندی دس مئی کی نصف شب تک جاری رہے گی۔
بین الاقوامی خبر رساں ادارے کی رپورٹ کے مطابق روس نے19 اپریل کو ایسٹر کے موقع پر بھی یوکرین سے جنگ بندی کی تھی۔
روسی وزارت خارجہ کے مطابق جنگ بندی کے دوران یوکرین کا رویہ آزمائش رہے گا تاکہ طویل المدتی امن کی راہ تلاش کی جاسکے۔
دیمتری پیسکوف کے مطابق یوکرین نے جنگ بندی پر عمل نہ کیا تو بھرپور جواب دیا جائے گا۔
واضح رہے کہ گزشتہ روز یوکرین نے روس کے دارالحکومت ماسکو سمیت کئی شہروں پر درجنوں ڈرون طیاروں سے حملہ کیا تھا۔ جرمنی پر فتح کی سالانہ تقریب سے صرف تین دن قبل کیا گیا۔ اس حملے کے بعد روس کے 10 ہوائی اڈوں کو بند کر دیا گیا۔
حملے میں وولگو گراڈ کا ہوائی اڈہ بھی متاثر ہوا۔ وولگوگراڈ کو ماضی میں اسٹالن گراڈ کہا جاتا تھا۔ یہ دوسری جنگ عظیم کی سب سے خونی لڑائی کا مرکز تھا، یہاں نازی فوج کوتاریخی شکست ہوئی تھی۔
روسی میڈیا نے یوکرینی ڈرون حملوں سے سپر مارکیٹ کی ٹوٹی ہوئی کھڑکیوں اور رہائشی عمارت کی جلی ہوئی بیرونی دیواروں کی تصاویر بھی نشر کی تھیں۔
حملے کا خوف : بھارتی شہر امرتسر میں مکمل بلیک آؤٹ
ماسکو کے میئر سرگئی سوبیانین کا کہنا ہے کہ اس حملے میں کسی جانی نقصان کی اطلاع نہیں ملی جب کہ فضائی دفاعی نظام نے 19 ڈرون کا مار گرایا۔
