اسلام آباد: ڈسٹرکٹ اینڈ سیشن کورٹس اسلام آباد نے زرتاج گل کو دو مقدمات سے بری کردیا۔
تفصیلات کے مطابق عدالت نے پی ٹی آئی رہنماؤں کیخلاف آزادی مارچ کے مقدمات میں زرتاج گل کی بریت کی درخواستوں پر فیصلہ سنادیا۔
جوڈیشل مجسٹریٹ مبشر حسن چشتی نے کیس پر محفوظ فیصلہ سنایا۔ زرتاج گل کی جانب سے سردار محمد مصروف خان ایڈووکیٹ و دیگر عدالت میں پیش ہوئے۔
عدالت نے زرتاج گل ودیگر کیخلاف تھانہ بارہ کہو کیس کے دونوں مقدمات سے بری کر دیا۔
واضح رہے کہ پی ٹی آئی کی پارلیمانی لیڈر زرتاج گل و دیگر کے خلاف تھانہ بارہ کہو میں 2 مقدمات درج ہیں۔
