نائب صدر سینٹر فار چائنا اینڈ گلوبلائزیشن وکٹر گاؤ کا کہنا ہے کہ چین اور پاکستان آہنی بھائی ہیں، پاکستان کی خود مختاری یا علاقائی سالمیت کو خطرہ ہوا تو دفاع کریں گے۔
سی جی ٹی این کو انٹرویو دیتے ہوئے وکٹر گاؤ نے کہا کہ بھارت سمجھداری سے کام لے نہ کہ کسی ملک کا پانی روک لے اور حملے کرے، اگر شک ہے تو ثبوت پیش کرے بین الاقوامی برادری دونوں ممالک کے درمیان کشیدگی کے خاتمے پر زور دیں۔
پاکستان کی خود مختاری کو خطرہ ہوا تو چین دفاع کریگا، وکٹڑ گاؤ#ARYNews #BreakingNews #China #Pakistan pic.twitter.com/3JhI19fGUC
— ARY NEWS (@ARYNEWSOFFICIAL) May 10, 2025
وکٹر گاؤ نے کہا کہ بھارت اور پاکستان کے درمیان جو کچھ ہو رہا ہے وہ عالمی تشویش کا باعث ہے لہٰذا دونوں ممالک زیادہ سے زیادہ تحمل کا مظاہرہ کریں، فوری جنگ بندی کریں اور کسی بھی قسم کے مزید تصادم سے گریز کریں۔
پاک بھارت کشیدگی سے متعلق تمام خبریں
انہوں کا کہنا تھا کہ جے ڈی وینس نئی دہلی میں تھے اور فوری بعد یہ سب ہوگیا، سوال یہ ہے کہ امریکا اور بھارت نے کوئی مشاورت کی یا عسکری تعاون بڑھانے کا وعدہ کیا، بھارت کو امریکا سے یہ حوصلہ ملا ہو کہ وہ کسی ثبوت کے بغیر ہی کارروائی کرے۔
دوسری جانب ایشیا پیسیفک پالیسی ایکسپرٹ سوربھ گپتا کا کہنا تھا کہ مجھے لگتا ہے معاملہ جوہری خطرے تک پہنچے تو امریکا ضرور مداخلت کرے گا، امریکا بھارت پر اثر ڈال سکتا ہے لیکن بھارت اسرائیل جیسی آزادی نہیں رکھتا۔
سوربھ گپتا نے کہا کہ یہ موقع بھارت کو یہ راستہ دے سکتا کہ وہ پانی کے ڈیٹا کی شراکت کو روک دے، جیسے بھارت نے 2019 میں کیا یا مکمل طور پر معاہدے سے نکل جائے، ہمیں جوہری استحکام کے ساتھ اسٹریٹجک آبی استحکام پر بھی سنجیدہ ہونا پڑے گا۔
