پاکستان کے ہاتھوں ہزیمت اٹھانے کے بعد بھارتی سیکریٹری خارجہ نے کہا ہے کہ پاکستان سے جنگ بندی پر عملدرآمد شروع ہوگیا ہے۔
آج علی الصبح پاکستان نے آپریشن بنیان مرصوص لانچ کیا تھا جس میں بھارت کے دو درجن سے زائد ایئربیسز کو تباہ کردیا گیا تھا، اب نہ صرف بھارت سیز فائر پر راضی ہوگیا ہے بلکہ بھارتی سیکریٹری خارجہ نے کہا کہ جنگ بندی پر عملدرآمد کررہے ہیں۔
بھارت اور پاکستان سیز فائر پر تیار ہوگئے، امریکی صدر ٹرمپ
بھارتی سیکریٹری خارجہ نے یہ بھی بتایا کہ دونوں ممالک کے ڈی جی ایم اوز کی بات چیت کا اگلا مرحلہ 12 مئی کو ہوگا۔
اس سے قبل پاکستتان کے نائب وزیراعظم اسحاق ڈار نے بھی پاکستان اور بھارت کے درمیان جنگ بندی کی تصدیق کرتے ہوئے ٹوئٹ کی۔
رافیل طیاروں کی تباہی : برطانوی اخبار نے پاکستان ایئر فورس کی تعریفوں کے پل باندھ دیئے
سماجی رابطے کی ویب سائٹ ایکس پر نائب وزیراعظم اسحاق ڈار نے لکھا کہ پاکستان اور بھارت نے فوری جنگ پر اتفاق کیا ہے، پاکستان نے ہمیشہ خطے میں امن اور سلامتی کے لیے کوشش کی ہے۔
اسحاق ڈار نے لکھا کہ پاکستان نے امن کی کاوشوں میں اپنی خود مختاری اور علاقائی سالمیت پر کبھی سمجھوتہ نہیں کیا، آج شام ساڑھے 4 بجے سے سیز فائر نافذ العمل ہوگیا ہے۔
اسحاق ڈار نے پاکستان اور بھارت کے درمیان جنگ بندی کی تصدیق کردی
