لکی مروت کے مختلف علاقوں میں فائرنگ کے واقعات میں خاتون سمیت تین افراد قتل کر دئیے گئے۔
پولیس حکام کے مطابق فرید خیل میں دشمنی پر مخالفین نے فائرنگ کرکے خاتون کو قتل کر دیا، مغل منجی والا کے قریب کھیتوں سے نوجوان کی گولیاں لگی لاش ملی ہے۔
اس کے علاوہ لکی مروت کے سرائے نورنگ میں بھی زمین کے تنازع پر فائرنگ کرکے ایک شخص کو قتل کر دیا گیا۔
دوسری جانب کراچی میں جناح اسپتال کے قریب ہوٹل پر فائرنگ میں زخمی شخص دم توڑ گیا، پولیس حکام کے مطابق فائرنگ کے واقعے میں جاں بحق افراد کی تعداد دو ہوگئی۔
پولیس کا کہنا ہے کہ مقتولین کی شناخت طاہر اور عمران کے نام سے ہوئی ہے، پولیس نے عینی شاہدین کے بیانات قلمبند کرلیے، ابتدائی تفتیش میں بتایا گیا کہ واقعہ ڈکیتی مزاحمت کا نہیں ہے اس لیے پولیس نے مقدمہ درج کے مزید تفتیش شروع کردی ہے۔
