پنجاب کے علاقے مریدکے میں غیرت کے نام پر باپ نے2 بیٹیوں پر چھری سے وار کردیا جنہیں تشویشناک حال میں اسپتال منتقل کردیا گیا ہے۔
تفصیلات کے مطابق مریدکے میں واقعہ علاقہ مشتاق پارک میں پیش آیا ایک افسوسناک واقعہ پیش آیا ہے جہاں باپ نے غیرت کے نام پر بیٹیوں کی جان لینے کی کوشش کی ہے۔
پولیس کا کہنا ہے کہ زخمی بہنوں کو تشویشناک حالت میں لاہور ریفر کردیا گیا ہے، دوسری جانب والدہ کا کہنا ہے کہ شادی شدہ بیٹیاں گھر سے چلی گئی تھیں، واپسی پر والد طیش میں آیا۔
والدہ نے بتایا کہ جیسے ہی شوہر نے بیٹیوں کو گھر میں دیکھا تو ان پر حملہ کردیا جبکہ والد کے گھر پر رکھنے سے انکار پر دونوں بیٹیوں نے زہریلی گولیاں بھی کھائیں ہیں۔
دوسری جانب ہارون آباد کے علاقے فقیر والی میں شوہر نے جھگڑے میں بیوی کو ڈنڈے مار کر قتل کردیا، ملزم زاہد حسین اپنی بیوی نسرین کو نشہ کرنے سےمنع کرنے پر قتل کردیا۔
ہارون آباد کی پولیس کا اس حوالے سے کہنا ہے کہ فقیر والی پولیس نے لاش قبضے میں لیکر ابتدائی تفتیش شروع کردی ہے، مقتولہ 6 بچوں کی ماں تھی، ملزم زاہد حسین کو گرفتار کرلیا گیا ہے، مقتولہ کے والد کی مدعیت میں تھانہ فقیر والی میں مقدمہ درج کیا گیا ہے۔
