شوبز انڈسٹری کی معروف اداکارہ امبر خان نے انکشاف کیا ہے کہ شوہر کا تشدد برداشت کیا لاتیں اور تھپڑ بھی کھائے۔
اداکارہ امبر خان نے نجی ٹی وی مارننگ شو میں گفتگو کرتے ہوئے کہا کہ ساس، سسر اور نند سے اچھے تعلقات رہے لیکن شوہر کا تشدد برداشت کرتی رہی، لاتیں اور تھپڑ بھی کھائے۔
ان کا کہنا تھا کہ والدین نے انہیں نازوں اور پیار سے پالا تھا لیکن ان کی شادی شدہ زندگی زیادہ اچھی نہیں رہی، بد قسمتی سے انہیں اچھے شوہر نہ ملے۔
انہوں نے بتایا کہ ان کی شادی 20 سال کی عمر میں ہوئی لیکن وہ کافی سمجھدار تھیں۔
اداکارہ نے بتایا کہ ان کے اپنی ساس، سسر اور یہاں تک کہ نند سے بھی اچھے تعلقات تھے، ان کے ساتھ ان کی دوستی ہوتی تھی لیکن شوہر سے ان کے معاملات ٹھیک نہیں تھے۔
یہ پڑھیں: طلاق کے بعد نہیں سوچا کہ لوگ کیا کہیں گے؟ امبر خان
امبر خان کا کہنا تھا شوہر کے تشدد پھر والدین نے سمجھایا جس کے بعد وہ بولنے لگیں اور انہوں نے مزید تشدد برداشت نہ کرنے کا فیصلہ کیا۔
اس سے قبل بھی امبر خان اپنی شادی اور طلاق سے متعلق کھل کر بات کر چکی ہیں اور بتا چکی ہیں کہ شوہر نے ہی شوبز میں کام کے لیے ان کی حوصلہ افزائی کی اور تعاون کیا لیکن بعد میں ان کے درمیان تعلقات کشیدہ ہوئے تو ان کی طلاق ہوگئی۔
اداکارہ نے جنوری 2025 میں بتایا تھا کہ طلاق کے اگلے ہی روز وہ کام پر چلی گئی تھیں، انہوں نے عدت مکمل نہیں کی تھی، کیوں کہ ان کے کام کرنے سے ہی ان کے گھر کے معاملات چلتے تھے اور انہیں گھر چلانے کے لیے ہر حال میں کام کرنا تھا۔
