کراچی میں آج بھی شدید گرمی کا امکان ہے جبکہ درجہ حرارت 45 تک محسوس کیا جا سکتا ہے۔
محکمہ موسمیات کے مطابق کراچی میں آج بھی موسم گرم اور مرطوب رہےگا، آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے جبکہ دن کے اوقات میں پارہ 45 ڈگری تک محسوس کیا جاسکتا ہے۔
محکمہ موسمیات نے بتایا کہ جنوب مغربی سمت سے13 کلو میٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 72 فیصد ہے۔
محکمہ موسمیات اسلام آباد اور پشاور میں آج زیادہ سے زیادہ درجہ حرارت 41، لاہور میں 42، کوئٹہ میں 37 ڈگری سینٹی گریڈ رہنے کی توقع ہے۔
محکمہ موسمیات نے آج شام اور رات گلگت بلتستان، بالائی خیبرپختونخوا، کشمیر اور ملحقہ پہاڑی علاقوں میں بارش کی پیشگوئی کی ہے۔
