فیک نیوز واچ ڈاگ کی جانب سے 7 سے 10 مئی کے واقعات پر مبنی تحقیقاتی رپورٹ جاری کی گئی ہے، 48 صفحات پر مشتمل تفصیلی رپورٹ میں بھارتی میڈیا کو مکمل طور پر بے نقاب کیا گیا ہے۔
واچ ڈاگ نے آپریشن سندور اور آپریشن بنیان مرصوص کے دوران چلنے والی جعلی خبروں کا جائزہ لیا، اور اپنی رپورٹ میں کہا بھارتی میڈیا مکمل طور پر حکومتی سرپرستی میں مہم سازی میں ملوث پایا گیا، اور بھارتی میڈیا نے جعلی خبروں سے پاکستان پر جنگ میں سبقت حاصل کرنے کی ناکام کوشش کی۔
رپورٹ کے مطابق منظم مہم کے ذریعے بھارتی سوشل میڈیا اکاؤنٹس پاکستان میں تباہ کاریاں دکھاتے رہے، پاک بھارت جنگ کے دوران فیک نیوز بطور مہلک جنگی ہتھیار استعمال ہوئی، انڈین وزارت خارجہ نے بھی عراق میں 2007 کی فوٹیجز کو پلوامہ کے ساتھ جوڑا۔
#BREAKING: Fake News Watchdog releases explosive Investigative report exposing misinformation during Pakistan-India tensions!
Read full report: https://t.co/RjpzRwPvuX#PakistanIndianWar pic.twitter.com/gfo9YrcWMI
— Fake News Watchdog (@FakeNWatchdog) May 18, 2025
انڈین میڈیا نے اسرائیلی آئرن ڈوم کی 2021 کی فوٹیجز کو بطور انڈین ڈیفنس سسٹم دکھایا، انڈیا ٹوڈے کی جانب سے اینی میٹڈ میزائل حملوں کو بطور حقیقی میزائل دکھایا گیا، انڈین میڈیا میں پاکستانی وزیر اعظم کی ہار تسلیم کرتے ہوئے ڈیپ فیک ویڈیو بھی چلتی رہی، بھارتی فوج کے پاکستان میں داخل ہونے کی من گھڑت خبریں چلائی گئیں، اور بھارتی چینلز پر پاکستانی آرمی چیف کو حراست میں لینے کی جعلی خبریں بھی چلتی رہیں۔
امریکا نے بھارتی شہریوں کو ملک بدری اور لائف ٹائم سفری پابندی کی دھمکی دے دی
رپورٹ کے مطابق بھارتی وزیر دفاع کا پاکستان میں 100 شہریوں کو مارنے کا دعویٰ بھی من گھڑت ثابت ہوا، دوران جنگ عالمی میڈیا سے منسوب جنگی اعداد و شمار سے متعلق اسکرین جعلی شاٹس زیر گردش رہے، زی ٹی وی کی جانب سے اسلام آباد پر حملے کی جعلی بریکنگ نیوز چلائی گئی۔
سرگودھا ایئر بیس کی تباہی کے حوالے سے جعلی سیٹلائٹ امیجز بھی قابل ذکر رہے، سرینگر میں پی اے ایف کے 2 طیارے گرنے کے حوالے سے بھی جعلی خبریں چلتی رہیں، انڈیا ٹوڈے پر پاکستانی طیارے جے ایف 17 اور ایف 16 گرانے کی خبریں چلیں، زی نیوز کی جانب سے پاکستانی پائلٹ کی گرفتاری کی من گھڑت خبر بھی چلتی رہی۔
رپورٹ میں کہا گیا ہے کہ جے پور میں امریکی اور اسرائیلی طیارے اترنے کی اے آئی ویڈیوز بھی بطور پروپیگنڈا استعمال ہوئیں، پاک بھارت جنگ میں بھارتی میڈیا کو فیک نیوز مہم کی وجہ سے عالمی سطح پر ہزیمت کا سامنا ہوا، اور سیز فائر کے بعد بھارتی میڈیا کی انڈیا سمیت دنیا بھر میں ساکھ صفر ہو گئی۔
واچ ڈاگ نے کہا کہ پاک بھارت جنگ کے دوران جعلی خبروں کو حکومتی سرپرستی بھی حاصل رہی، فیک نیوز واچ ڈاگ کی جانب سے رپورٹ میں جعلی خبروں کے تدارک کے لیے ہنگامی بنیادوں پر اقدامات کرنے کی سفارش بھی کی گئی ہے۔
