امریکا کے صدر ڈونلڈ ٹرمپ نے ایک بار پھر امریکی پاپ گلوکارہ ٹیلر سوئفٹ سے متعلق دلچسپ انداز میں پوسٹ شیئر کی ہے۔
امریکی صدر ڈونلڈ ٹرمپ نے پاپ سپر اسٹار ٹیلر سوئفٹ کے ساتھ اپنے پرانے جھگڑے کو ایک بار پھر ہوا دی ہے، یاد رہے کہ ٹیلر سوئفٹ نے ستمبر میں ٹرمپ کے خلاف مباحثے میں فتح کے بعد کمالا ہیرس کی حمایت کی تھی۔
الیکشن مہم کے دوران ٹیلر سوئفٹ نے اپنی پوسٹ میں کمالا ہیرس کو ’ایک مستحکم، باصلاحیت رہنما‘ قرار دیا تھا اور بتایا کہ وہ ان مقاصد کی حامی ہیں جو ان کی اپنی اقدار سے مطابقت رکھتے ہیں۔
ٹیلر سوئفٹ کے اس اعلان کے چند دن بعد امریکا کے موجودہ صدر ڈونلڈ ٹرمپ نے ردعمل دیتے ہوئے لکھا تھا کہ مجھے ٹیلر سوئفٹ سے نفرت ہے۔
تاہم اب امریکی صدر نے ایک بار پھر گلوکارہ کی شخصیت سے متعلق ٹروتھ سوشل سائٹ پر طنزیہ کی ہے، ڈونلڈ ٹرمپ نے کہا کہ "کیا کسی نے نوٹ کیا ہے کہ جب سے میں نے کہا تھا کہ مجھے ٹیلر سوئفٹ سے نفرت ہے تب سے وہ مزید خوبصورت نہیں رہیں؟”
واضح رہے کہ ڈونلڈ ٹرمپ کا یہ متنازع بیان سوشل میڈیا سائٹ ٹروتھ سوشل پر سامنے آیا جو فوری طور پر دنیا بھر میں سرخیوں کا حصہ بن گیا ہے۔
