اسلام آباد : وفاقی بجٹ 26-2025 میں معاشی شرح نمو کا ہدف 4.4 فیصد مقرر کرنے کی تجویز سامنے آگئی۔
تفصیلات کے مطابق آئندہ مالی سال کے وفاقی بجٹ 26-2025 کے اہم معاشی اہداف سامنے آگئے، ذرائع نے بتایا کہ آئندہ مالی سال معاشی شرح نمو کا ہدف 4.4 فیصد مقرر کرنے کی تجویز ہے۔
ذرائع کا کہنا تھا کہ نئے مالی سال کےبجٹ میں زرعی شعبے کا ہدف 4.8 فیصد ، صنعتی شعبے کی ترقی کا ہدف 4.8 فیصد اور خدمات کے شعبے کا ہدف 4.3 فیصد مقرر کرنے کی تجویز دی گئی ہے۔
ذرائع نے کہا کہ نئے مالی سال کے معاشی اہداف کی تجاویز پہلے اے پی سی سی میں پیش کی جائیں گی اور معاشی اہداف کی حتمی منظوری قومی اقتصادی کونسل سے لی جائے گی۔
وفاق نے رواں مالی سال کیلئے معاشی شرح نمو کا ہدف 3.6 فیصد، زرعی شعبے کی پیداوار کا ہدف 2 فیصد مقرر ہے۔
جاری مالی سال کے لیے صنعتی شعبے کا پیداواری ہدف 4.4 فیصد اور خدمات کے شعبے کا پیداواری ہدف 4.1 فیصد رکھا گیا ہے۔
