سیکیورٹی فورسز نے بلوچستان میں 2 کارروائیاں کرتے ہوئے بھارتی اسپانسرڈ بی ایل ایف کے 3 دہشت گردوں کو ہلاک کردیا۔
اے آر وائی نیوز کے مطابق آئی ایس پی آر نے جاری بیان میں بتایا کہ سیکیورٹی فورسز بلوچستان میں 2 کارروائیاں کی، کارروائیوں میں بی ایل ایف کے 3 دہشت گرد مارے گئے، سیکیورٹی فورسز نے ضلع آواران کے علاقے گشکور میں انٹیلی جنس بیسڈ آپریشن کیا۔
آئی ایس پی آر نے بتایا کہ آپریشن بھارتی اسپانسرڈ دہشت گردوں کی موجودگی کی اطلاع پر کیاگیا، فائرنگ کے تبادلے میں ایک دہشت گرد ہلاک، 2 زخمی ہوئے۔
بھارت نے اپنے ہی ملک میں 6 بیلسٹک میزائل فائر کیے ہیں، ڈی جی آئی ایس پی آر
بھارت اسپانسرڈ ہلاک دہشت گرد کی شناخت یونس کے نام سے ہوئی، ضلع کیچ کے شہرتربت میں سیکیورٹی فورسز سے جھڑپ ہوئی جس میں 2 بھارتی اسپانسرڈ دہشت گرد صبراللہ اور امجد ہلاک ہوئے۔
آئی ایس پی آر نے بتایا کہ ہلاک دہشت گرد قانون نافذ کرنیوالے اداروں اور شہریوں پر حملوں میں ملوث تھے، علاقے میں ممکنہ دہشت گردوں کے خاتمے کیلئے کلیئرنس آپریشن جاری ہے۔
اپنے بیان میں آئی ایس پی آر کا مزید کہنا تھا کہ سیکیورٹی فورسز بلوچستان کا امن واستحکام سبوتاژ کرنے کی بھارتی پراکسیز کی ہر کوشش ناکام بنا دیں گی۔
پاکستان نے بھارت کیخلاف بڑی فتح حاصل کی، ڈی جی آئی ایس پی آر کی برطانوی میڈیا سے گفتگو
