پاکستان شوبز انڈسٹری کی معروف اداکارہ انمول بلوچ نے پہلی بار اپنے ماضی سے متعلق کھل کر بات کرتے ہوئے کہا ہے کہ وہ شوبز میں آنے سے قبل دوسری ملازمت سے وابستہ تھیں۔
ایک انٹرویو میں انمول بلوچ نے مختلف معاملات پر کھل کر بات کی اور یہ بھی بتایا کہ وہ کس طرح کی شخصیت کی مالک ہیں۔
دوران انٹرویو انہوں نے بتایا کہ وہ ہمایوں سعید اور ماہرہ خان کی آنے والی رومانٹک کامیڈی فلم ’لو گُرُو‘ کو دیکھنے کے لیے بے چین ہیں، انہیں لگتا ہے کہ وہ بہترین فلم ہوگی۔
اداکارہ کا کہنا تھا کہ وہ رومانوی شخصیت کی مالک نہیں ہیں، اس لیے انہیں اندازہ نہیں کہ ان میں کون سی سب سے اچھی عادت ہے۔
انمول کا کہنا تھا کہ وہ حقیقت میں زندگی گزارنے پر یقین رکھتی ہیں، اس لیے انہیں کوئی خواہش نہیں کہ ان کی زندگی پر کتاب لکھی جائے یا کوئی مووی بنائی جائے۔
اداکارہ نے ساتھی اداکار علی رضا کی تعریف کرتے ہوئے بتایا کہ ’اقتدار‘ ڈرامے میں ان کی جوڑی کو خوب پذیرائی ملی مگر ڈرامے میں ان کی جانب سے ایک ڈائیلاگ کو بار بار بولے جانے پر صارفین نے ناپسند کیا۔
اُن کا کہنا تھا کہ وہ ڈرامے میں تقریبا ہر قسط میں دوبار اپنے شوہر یعنی علی رضا کو بولتی دکھائی دیں کہ ’آپ چائے پئیں گے، آپ کے لیے چائے بناؤں‘۔
شائقین نے ان کے اسی ڈائلاگ پر سوشل میڈیا پر ان کا خوب مذاق بھی بنایا اور انہیں مشورہ دیا کہ وہ اپنا تخلص ’آپ کے لیے چائے بناؤں‘ رکھ لیں تو زیادہ بہتر ہوگا۔
انمول بلوچ کس شرط پر فلموں میں کام کریں گی؟
انمول بلوچ نے اپنے مداحوں کو یہ مشورہ بھی دیا کہ سوشل میڈیا پر چلنے والی ہر بات سچ نہیں ہوتی، وہ ان سے متعلق انٹرنیٹ پر پھیلنے والی تمام معلومات پر یقین نہ کیا کریں۔
