پاکستان ریلوے نے عیدالاضحیٰ پر 5 خصوصی ٹرینیں چلانے کا اعلان کر دیا۔ خصوصی ٹرینیں 2 سے 4 جون کے درمیان مختلف شہروں سےچلائی جائیں گی۔

پہلی خصوصی ٹرین 2 جون کو کراچی کینٹ سے دوپہر 1بجے لاہور کیلئےروانہ ہوگی۔

دوسری خصوصی ٹرین 3جون کو کوئٹہ سے صبح 10بجے پشاور کینٹ کیلئے روانہ ہوگی۔

تیسری خصوصی ٹرین 3جون کو لاہور سے شام 5بجے کراچی کینٹ کیلئے روانہ ہو گی۔

چوتھی خصوصی ٹرین 3جون کو کراچی سٹی سے رات 8بجے راولپنڈی کیلئے روانہ ہو گی۔

پانچویں خصوصی ٹرین 4 جون کو کراچی کینٹ سے رات 8 بجےلاہور کیلئے روانہ ہو گی۔

ترجمان کے مطابق پہلی، دوسری اور چوتھی ٹرینوں کیلئے کوچز ورکشاپس سے فراہم کی جائیں گی۔ تیسری اور پانچویں ٹرینوں کیلئے پہلے سے دستیاب عیداسپیشل ٹرینوں کی ریک استعمال کی جائے گی۔