اےاین ایف نے 43 کروڑ سے زائد مالیت کی منشیات برآمد کرکے خاتون سمیت 6 ملزمان کو گرفتار کرلیا۔
تفصیلات کے مطابق اے این ایف کا ملک کے مختلف شہروں میں منشیات اسمگلنگ کیخلاف کریک ڈاؤن جاری ہے، 9 کارروائیوں کے دوران خاتون سمیت 6 ملزمان کو گرفتار کرلیا۔
ترجمان اےاین ایف کے مطابق ان کارروائی کے دوران 43 کروڑ 44 لاکھ روپے سے زائد مالیت کی 2294.81 کلو گرام منشیات برآمد ہوا، پہلی کارروائی اسلام آباد انٹرنیشنل ائیرپورٹ پر دوحہ جانیوالے مسافر سے 4.5 کلو گرام آئس نکلا۔
ترجمان نے بتایا کہ راولپنڈی میں کوریئر آفس میں ہالینڈ سے بھیجے گئے پارسل سے 40 گرام ایم ڈی ایم اے پاؤڈر برآمد ہوا، لاہور میں کوریئر آفس میں آسٹریلیا سے بھیجے جانیوالے 2 پارسلز سے 470 گرام آئس برآمد کی گئی۔
گوجرہ بس اسٹیشن ٹوبہ ٹیک سنگھ کے قریب ملزم کے قبضے سے 2.4 کلوگرام منشیات برآمد ہوا، چنددا قلعہ، گوجرانوالہ کے قریب رکشہ میں سوار خاتون سمیت 2 ملزمان کو گرفتار کیا گیا۔
اےاین ایف ترجمان کا کہنا ہے کہ گرفتار ملزمان کیخلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا۔
