کوہستان: اپرکوہستان وائلڈ لائف ڈویژن نے تھوٹی، کندیا سے کالے ریچھ کے بچوں کی غیر قانونی اسمگلنگ کی کوشش ناکام بناتے ہوئے ملزمان کو گرفتار کر لیا۔
تفصیلات کے مطابق اپر کوہستان کے ضلع کندیا میں 3 ملزمان نے ریچھ کے بچےگاڑی میں چھپا کر لے جارہے تھے جنہیں گرفتار کرلیا گیا۔
پولیس کا کہنا ہے کی محکمہ وائلڈ لائف نے ملزمان سے ایک لاکھ 50 ہزار جرمانہ وصول کرلیا، ریچھ کے بچوں کو سوات چڑیا گھر منتقل کردیا گیا ہے۔
مزید برآں، کنزرویٹر نے ملزمان سے مکمل تفتیش کی ہدایت کی تاکہ ریچھ کے بچوں کے خاندان کا سراغ لگایا جا سکے اور انہیں ان کے قدرتی مسکن میں واپس چھوڑا جا سکے۔
