راولپنڈی : سوتیلی بہن کو زیادتی کے بعد قتل کرنے والے کو 2 بار سزائے موت اور 7 سال قید کی سزا سنادی۔
تفصیلات کے مطابق راولپنڈی کی مقامی عدالت نے سوتیلی بہن کو زیادتی کے بعد قتل کرنے والے کو جرم ثابت ہونے پر سزا سنادی۔
مجرم کے خلاف فیصلہ ایڈیشنل سیشن جج افشاں اعجازصوفی نے سنایا، عدالت نے مجرم اظہر کو 2 بار سزائے موت اور 4 لاکھ روپے جرمانے کی سزا سنائی۔
شواہد غائب کرنے پر مجرم کو 7 سال قید کی سزا سنائی گئی جبکہ جرمانے کی عدم ادائیگی پر مجرم کو مزید 6 ماہ قید کی سزا بھگتنا ہوگی۔
مزید پڑھیں : 10 سالہ بچی سے زیادتی کرنے والے مجرم کو سزائے موت کا حکم
استغاثہ کے مطابق مجرم سوتیلے بھائی اظہر نے سوتیلی بہن نمرہ سے پہلے زیادتی کی اور پھر اس کو بہیمانہ طریقے سے قتل کیا تھا۔
تھانہ روات پولیس نے 25اگست 2023 کو مقدمہ درج کیا تھا تاہم عدالت سے سزا سنائے جانے کے بعد مجرم کو جیل منتقل کردیا گیا۔
