اسلام آباد : فیلڈ مارشل عاصم منیر کے اعزاز میں تقریب آج ایوان صدر میں ہوگی، گزشتہ روز تقریب موخرکی گئی تھی۔
تفصیلات کے مطابق فیلڈ مارشل عاصم منیر کے اعزاز میں تقریب آج ایوان صدر میں ہوگی، تقریب میں صدر، وزیراعظم، وفاقی وزرا اور سروسزچیفس واعلیٰ حکام شریک ہوں گے۔
گزشتہ روز فیلڈ مارشل کی درخواست پر تقریب موخرکی گئی تھی ، خضدار واقعے پر تقریب موخر کرنے کی درخواست کی تھی۔
مزید پڑھیں : ایوان صدر میں فیلڈ مارشل عاصم منیر کے اعزاز میں ہونے والی تقریب مؤخر
بعد ازاں خضدار دہشت گردی کے بعد وزیراعظم شہبازشریف، فیلڈ مارشل اوروفاقی وزرا نے کوئٹہ کادورہ کیا تھا، وزیراعظم اور فیلڈ مارشل نے خضدار سانحے میں زخمی ہونےوالوں کی عیادت کی۔
اس موقع پر وزیراعلیٰ بلوچستان اور کورکمانڈر کوئٹہ نے سانحے پر بریفنگ دی، فیلڈ مارشل کا کہنا تھا کہ دہشت گردی کے ماسٹر مائنڈز کوکیفرکردارتک پہنچایا جائے گا،بھارتی دہشت گرد گروہ بلوچ اورپشتون اقدار کے خلاف ہیں۔
واضح رہے حکومت پاکستان نے معرکہ حق، آپریشن بُنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست فاش دینے پر جنرل سید عاصم منیر (نشان امتیاز ملٹری) کو فیلڈ مارشل کے عہدے پر ترقی دینے کی منظوری دی تھی۔
خیال رہے کہ جنرل عاصم منیر دوسری شخصیت ہیں جنہیں فیلڈ مارشل بنایا گیا ہے جب کہ صدر جنرل ایوب خان 1959 میں فیلڈ مارشل بنے تھے
