کراچی : سرجانی ٹاؤن میں بارہ سالہ بچی کی گھر سے پھندہ لگی لاش ملی تاہم واقعہ قتل کا ہے یا کچھ اور پولیس نے تحقیقات شروع کردیں۔
تفصیلات کے مطابق کراچی کے علاقے سرجانی ٹاؤن شاہ بیگ گوٹھ میں گھر کے اندر سے 12 سالہ بچی کی پھندا لگی لاش ملی۔
پولیس موقع پر پہنچی تو لاش لٹکی ہوئی تھی، ۔بچی کے اہلخانہ نے بتایا کہ وہ سو رہے تھے اٹھے تو بچی کی لاش دوسرے کمرے سے ملی۔
پولیس حکام کا کہنا ہے کہ واقعہ قتل کا ہے یا کچھ اور ، تحقیقات شروع کر دی گئی ہیں، 12 سالہ مہک کا پوسٹ مارٹم عباسی شہید ہسپتال سے کرایا گیا ہے، جس کی رپورٹ انے کے بعد وجہ موت کا تعین ہو سکے گا۔
مزید پڑھیں : لیاقت آباد میں ندی سے 8 سالہ بچی کی لاش برآمد
پولیس نے بتایا کہ بچی پرکسی قسم کےتشددکےشواہدنہیں ملے اور میڈیکل چیک اپ کےدوران زیادتی کےشواہد بھی نہیں ملے تاہم لواحقین نے ضابطے کی کارروائی کے بعد لاش وصول کرلی ہے اور ورثا نے مقدمے کے اندراج یا قانونی کارروائی سے انکار کیا ہے۔
متوفیہ کے والد اورتایا نے میڈیا سے گفتگو میں کہا تھا کہ میں نے اپنی بچی کو اپنے بڑے بھائی کو دے دیا تھا ، آج میرے بھائی کے میرے پاس کال آئی کہ بچی کا انتقال ہو گیا ہے۔
تایا کا کہنا تھا کہ ہمارے گھر کے ساتھ ہی چیز کی دکان ہے، جہاں بچی کام سنبھالےہوئی تھی، بیوی کے شور سے اٹھا تو پتہ چلا کہ بچی کی لاش دوپٹے سے لٹکی ہوئی تھی۔
