سندھ کے اسکولوں میں موسم گرما کی تعطیلات کا اعلان کردیا گیا ہے۔
محکمہ اسکول ایجوکیشن سندھ کی جانب سے جاری کردہ نوٹیفکیشن کے مطابق یکم جون 2025 سے 31 جولائی 2025 تک اسکول کی تعطیلات رہیں گی۔
نوٹیفکیشن کا اطلاق سرکاری و نجی اسکولوں پر یکساں ہوگا۔
یاد رہے پنجاب کے تعلیمی اداروں میں 28 مئی سے گرمیوں کی چھٹیوں کی تاریخ کا اعلان کیا تھا۔
یہ پڑھیں: تمام سرکاری و نجی اسکولوں کے لئے اہم حکم جاری
اس کے ساتھ وزیر تعلیم پنجاب نے اسکولوں کےاوقات کار میں بھی کمی کی تھی اور کہا تھا کہ نئے اوقات کار صبح ساڑھے7 سے ساڑھے 11 بجے تک ہوں گے۔
دوسری جانب خیبر پختونخواہ میں محکمہ ابتدائی و ثانوی تعلیم نے موسم گرما کیلئے اسکول کی چھٹیوں کا اعلان کیا گیا تھا۔
جاری اعلامیے میں کہا گیا تھا کہ سمرزون پرائمری اسکولز میں یکم جون سے 31اگست تک چھٹیاں ہونگی، اس کے علاوہ سمرزون ہائی وہائر سیکنڈری اسکولز میں 15 جون سے 31 اگست تک چھٹیاں ہونگی۔
