پہلگام فالس فلیگ آپریشن کے بعد بھارت میں پاکستان کے نام سے نفرت میں روایتی مٹھائیوں کے نام تبدیل کر دیے گئے۔
انڈین میڈیا کے مطابق ریاست راجستھان کے شہر جے پور میں مٹھائیوں کے ناموں سے لفظ ’پاک‘ ہٹا کر ’شری‘ رکھ دیا گیا، جیسے کہ موتی پاک سے موتی شری، آم پاک سے آم شری اور گوند پاک سے گوند شری۔
دکانداروں نے بزدلانہ آپریشن سندور کے بعد ’پاک‘ کے مفہوم کو پاکستان سے دور کرنے کیلیے مٹھائیوں کے نام بدلے۔
जयपुर शहर की मिठाइयों के नाम से दूकानदारों ने पाक शब्द हटाया. ‘मोती पाक’ बना अब ‘मोती श्री. जहां पहले दुकानों पर ‘मोती पाक’, ‘आम पाक’, ‘गोंद पाक’, ‘मैसूर पाक’ जैसे नाम लिखे होते थे, वहीं अब कई शॉप्स में बदलाव किया जा रहा है. ‘मोती श्री’, ‘आम श्री’, ‘गोंद श्री’, ‘मैसूर श्री’ नाम… pic.twitter.com/Q1Vuk5h9mY
— NDTV India (@ndtvindia) May 21, 2025
پچھلے دنوں جے پور کے سوائی مان سنگھ اسٹیڈیم کی گیلری سے سابق پاکستانی لیگ اسپنر دانش کنیریا کی تصویر ہٹا دی گئی تھی۔
دانش کنیریا جو ہندو مذہب سے تعلق رکھتے ہیں، انہوں نے حالیہ کشیدگی کے دوران اپنے ہی وطن پاکستان کی مخالفت میں بیان دیے تھے اور بھارت کی کاسہ لیسی کی تھی۔
لیکن بھارت کی بے جا مدح سرائی بھی دانش کے کسی کام نہ آ سکی۔ ہندو انتہا پسندوں کے شدید احتجاج کے بعد سابق پاکستانی لیگ اسپنر کی تصویر سوائی مان سنگھ اسٹیڈیم سے ہٹا دی گئی۔
واضح رہے کہ انیل دلپت کے بعد دانش کنیریا دوسرے پاکستانی کرکٹر ہیں جن کا تعلق ہندو مذہب سے ہے۔ انہوں نے اپنے 12 سالہ انٹرنیشنل کیریئر میں 61 ٹیسٹ اور 18 ون ڈے میچوں میں قومی ٹیم کی نمائندگی کی تھی۔ جس میں انہوں نے 261 ٹیسٹ وکٹیں حاصل کیں۔
بھارت کے خلاف دانش کنیریا نے بہترین کارکردگی کا مظاہرہ کرتے ہوئے 11 ٹیسٹ میچز اور دو ون ڈے میچوں میں 44 وکٹیں حاصل کی تھیں۔
تاہم 2012 میں انگلینڈ اینڈ ویلز کرکٹ بورڈ کی جانب سے ایسیکس کے ساتھ کاؤنٹی کے دوران اسپاٹ فکسنگ اسکینڈل میں ملوث ہونے پر انہیں تاحیات پابندی کا سامنا کرنا پڑا تھا۔ اب وہ مستقبل بیرون ملک مقیم ہیں۔
دانش کنیریا شاہد آفریدی سے متعلق اپنے متنازع بیان کی وجہ سے بھی شہ سرخیوں میں رہے جب کہ حالیہ پاک بھارت کشیدگی میں بھی انہوں نے متنازع بیان دیا تھا۔
