کراچی: شہر قائد کے علاقے اعظم بستی، محمود آباد میں ایک میڈیکل اسٹور پر دل دہلا دینے والی ڈکیتی کی واردات ہوئی ہے، جس میں دکان دار قریب سے چلائی گئی متعدد گولیوں سے بھی معجزانہ طور پر محفوظ رہا۔
ڈکیتی کی یہ واردات گزشتہ روز دن کے وقت کراچی کے علاقے محمود آباد اعظم بستی میں کی گئی، جس میں 4 ڈاکوؤں نے میڈیکل اسٹور میں لوٹ مار کی، مسلح ڈاکوؤں کی لوٹ مار اور فائرنگ کی ویڈیو بھی سامنے آ گئی ہے۔
ڈکیتی کی ویڈیوز میں دیکھا جا سکتا ہے کہ 2 موٹر سائیکلوں پر سوار 4 ڈاکوؤں نے لوٹ مار کی، واردات کے دوران اسٹور کے اندر گھسنے والے ڈاکو کو دکان دار نے اچانک پیچھے سے دبوچ لیا۔
ویڈیو کے مطابق دوسرے ساتھی نے اپنے ساتھی کو بچانے کے لیے دکان دار کو تشدد کا نشانہ بنایا، اسے مکے مارے لیکن ڈاکو کے تشدد کے باوجود دکاندار نے اس کو دبوچے رکھا، ایسے میں تیسرے ڈاکو نے اپنے ساتھی ہو چھڑانے کے لیے دکان دار پر گولیاں چلانی شروع کیں۔
ٹرالر نے ایک اور خاندان اجاڑ دیا، باپ، 2 بیٹے اور بیٹی جاں بحق
انتہائی قریب سے چلائی گئی متعدد گولیوں کے باوجود دکاندار خوش قسمتی سے محفوظ رہا، اور ڈاکو دکان دار سے مدبھیڑ کے بعد جلد فرار ہو گئے، ڈاکوؤں نے ڈکیتی میں کسٹمرز اور کیش کاؤنٹر سے نقدی بھی لوٹی۔
