ایڈیلیڈ: پاکستان کے نوجوان اسکواش پلئیر اشعب عرفان نے شاندار کارکردگی کا مظاہرہ کرتے ہوئے ساؤتھ آسٹریلین اسکواش چیمپئن شپ 2025 جیت لی۔
تفصیلات کے مطابق ایڈیلیڈ میں کھیلے گئے ایونٹ کے فائنل میں ملائیشیا کے ڈنکن لی کو پاکستانی کھلاڑی اشعب عرفان نے تین صفر سے آؤٹ کلاس کرکے ٹائٹل اپنے نام کرلیا۔
اشعب کی فتح کا اسکور گیارہ آٹھ، بارہ دس اور گیارہ نو رہا، اشعب عرفان نے سیمی فائنل میں ہم وطن حمزہ خان کو تین صفر سے ہرایا تھا اور ایونٹ میں ناقابل شکست رہے۔
ایڈیلیڈ میں کھیلے گئے ساؤتھ آسٹریلین اوپن اسکواش چیمپئن بننے پر اشعب کو مجموعی طور پر 9 ہزار ڈالرز کی انعامی رقم سے نوازا جائے گا۔
واضح رہے کہ اشعب کی یہ کامیابی نہ صرف ذاتی سطح پر ایک بڑا سنگ میل ہے بلکہ پاکستان کیلئے بھی فخر کا لمحہ ہے، جو ماضی میں اسکواش کے میدان میں عالمی شہرت رکھتا رہا ہے۔
