بھارتی کرکٹ بورڈ (بی سی سی آئی) نے انگلینڈ کے خلاف پانچ ٹیسٹ میچوں کی سیریز کے لیے نئے کپتان کے ساتھ ٹیم کا اعلان کردیا۔
بھارت میڈیا رپورٹ کے مطابق بھارت کرکٹ بورڈ (بی سی سی آئی) نے دورہ انگلینڈ کیلئے شبھمن گل کو بھارت کی ٹیسٹ ٹیم کا نیا کپتان مقرر کیا ہے، 25 سالہ گل بھارت کے ٹیسٹ کپتان بننے والے پانچویں کم عمر کھلاڑی بن گئے ہیں۔
View this post on Instagram
بھارت کرکٹ بورڈ کا یہ فیصلہ روہت شرما اور ویرات کوہلی کی ٹیسٹ کرکٹ سے ریٹائرمنٹ کے بعد سامنے آیا ہے دونوں نے رواں ماہ اپنی ریٹائرمنٹ کا اعلان کیا تھا۔
بھارتی ٹیسٹ کرکٹ کے نئے کپتان شبھمن گل 20 جون سے انگلینڈ کے خلاف شروع ہونے والی پانچ ٹیسٹ میچوں کی سیریز میں ٹیم کی قیادت کریں گے۔
View this post on Instagram
دوسری جانب جسپریت بمراہ نے بارڈر گواسکر ٹرافی کے دوران پرتھ میں پہلے ٹیسٹ اور پھر سڈنی میں آخری ٹیسٹ میں بھارتی ٹیم کی قیادت کی تھی تاہم فاسٹ بولر کو فٹنس کے مسائل اور ورک لوڈ مینجمنٹ کی وجہ سے کپتانی کیلئے منتخب نہیں کیا گیا۔
انگلینڈ کے دورے کے لیے وکٹ کیپر بیٹر رشبھ پنت کو نائب کپتان نامزد کیا گیا جبکہ ٹیم میں یاسسوی جیسوال، کے ایل راہول، سائی سدھارشن، ابھیمنیو ایسوران، کرون نائر، نتیش کمار ریڈی، رویندر جڈیجہ، دھروو جوریل، واشنگٹن سندر، شاردل ٹھاکر، جسپریت بمراہ، محمد سراج، پرسیدھ کرشنا، آکاش دیپ، ارشدیپ سنگھ، اور کلدیپ یادو شامل ہیں۔
واضح رہے کہ شبھمن گل نے دسمبر 2020 میں آسٹریلیا کے خلاف اپنا ٹیسٹ ڈیبیو کیا انہوں نے اب تک 32 میچوں میں 1893 رنز 35.05 کی اوسط سے بنا چکے ہیں۔
