اسلام آباد : بلال بن ثاقب کو وزیراعظم کے معاون خصوصی برائے بلاک چین اور کرپٹو مقرر کردیا گیا۔

تفصیلات کے مطابق وزیراعظم شہبازشریف نے بلال بن ثاقب کو اپنا معاون خصوصی مقرر کردیا، وہ کرپٹو اور بلاک چین سے متعلق معاون خصوصی ہوں گے اوران کا عہدہ وزیر مملکت کے مساوی ہوگا۔

اس حوالے سے اعلامیے میں کہا کہ بلال بن ثاقب 7 سے 9 ملکوں میں کرپٹو کے حوالے اہم فیصلہ سازی میں شامل رہے ہیں، وہ پاکستان کرپٹو کونسل کے چیف ایگزیکٹو آفیسر بھی ہیں۔

مزید پڑھیں : فیلڈ مارشل سید عاصم منیر سے سی ای او پاکستان کرپٹو کونسل کی ملاقات

اعلامیے میں کہنا تھا کہ انھوں نے امریکی صدر ڈونلڈ ٹرمپ کی فیملی کی ورلڈلیبرٹی فنانشل کیساتھ معاہدے اور بائنانس کے بانی سی زی کے ساتھ معاہدے میں اہم کرداراداکیا ہے۔

بلال لندن اسکول آف اکنامکس سےتعلیم یافتہ ہیں، وہ ڈیجیٹل کرنسی اوراثاثوں میں ایف اےٹی ایف کےفریم ورک کی تیاری میں بھی پیش پیش ہیں اور بٹ کوائن کی مائننگ کی کوششوں میں اپنا کردار ادا کر رہے ہیں۔