سکھر : موٹر سائیکل سواروں نے گلی میں کھیلتی بچی کو اغوا کرنے کی کوشش میں ناکامی پر بچی کا گلا کاٹ دیا۔
تفصیلات کے مطابق سکھر کے علاقہ پیارو وادھ میں نامعلوم موٹر سائیکل سوارملزمان نے گلی میں کھیلتی بچی کو اغوا کرنے کی کوشش کی۔
بچی کے شور مچانے پر ملزمان بچی کا گلا کاٹ کر فرار ہوگئے، بچی کوتشویشناک حالت میں ایئرایمبولینس کے ذریعہ کراچی منتقل کردیا گیا ہے۔
ایس ایس پی سکھراظہرمغل نے واقعہ کانوٹس لیتے ہوئے ملزمان کی گرفتاری کیلئے ٹیمیں تشکیل دے دیں اور کہا ملزمان گرفتار کرکے کیفرکردار تک پہنچایا جائے گا۔
چیئرمین ضلع کونسل سکھرکمیل حیدرشاہ کی ہدایت پر بچی بذریعہ ایئرایمبولینس کراچی منتقل کیا گیا، واقعہ روہڑی کےتھانہ جھانگڑوکی حدود پیارے واہ گوٹھ پٹھان میں پیش آیا۔
عینی شاہدین نے بتایا کہ بچی گھرکےباہرسہیلی کیساتھ کھیل رہی تھی،ملزمان نےاغواکی کوشش کی اور چیخ و پکار پر تیزدھار آلہ سے بچی کاگلہ کاٹ کرفرارہوئے۔
پولیس نے جائےوقوع سے شواہد جمع کرلیے اور واقعے کی باریک بینی سےچھان بین جاری ہے۔
