چکوال : پولیس نے مردہ شخص کیخلاف قتل کی دھمکیاں دینے اور قبضہ کرنے کا مقدمہ درج کرلیا۔
تفصیلات کے مطابق چکوال پولیس کا انوکھا کارنامہ سامنے آیا، پولیس نے ایک ایسے شخص کیخلاف مقدمہ درج کرلیا، جو کئی برس قبل دنیا سے گزر چکا ہے۔
مردہ شخص کے خلاف قتل کی دھمکیاں دینے اور قبضہ کرنے کا مقدمہ درج کیا گیا۔
پولیس نے دسمبر 2021 میں انتقال کرنے والے ملازم حسین کے خلاف مقدمہ درج کیا، ساڑھے تین سال قبل انتقال کرنیوالے شخص پر خاتون کا راستہ روکنے اور دھمکیوں کا الزام بھی ہے۔
ملہال مغلاں پولیس چوکی نے مقدمہ متوفی ملازم حسین کے خلاف درج کیا۔
مزید پڑھیں : پولیس نے مردہ شخص پر مقدمہ درج کر دیا
یاد رہے سال 2019 میں فیصل آباد کے علاقے جڑانوالہ میں تھانہ سٹی پولیس نے مردہ شخص پر مقدمہ درج کیا تھا۔
عبدالعزیر عرف گلو کو آتش بازی کے مقدمے میں نامزد کیا گیا جس کا انتقال 8 سال قبل ہوا تھا۔
