کراچی : شہر قائد میں سفاک ڈاکوؤں کے ہاتھوں ایک اور شہری مارا گیا، تاہم واقعہ ذاتی دشمنی یا ڈکیتی مزاحمت تحقیقات کی جارہی ہے۔
تفصیلات کے مطابق کراچی کے علاقے حسین آباد میں صبح سویرے نامعلوم ملزمان کی فائرنگ سے نوجوان جاں بحق ہوگیا۔
پولیس نے بتایا نوجوان کی شناخت حارث کے نام سے ہوئی تاہم واقعہ ذاتی دشمنی یا ڈکیتی مزاحمت تحقیقات کی جارہی ہے۔
عینی شاہد نے بتایا کہ موٹر سائیکل پر سوار حارث جیسے ہی رکا تو نامعلوم افراد نے فائرنگ کردی ، گولی حارث کی ٹانگ پر لگی۔
ڈی ایس پی عزیز آباد جاوید کا کہنا تھا کہ ابتدائی طور پر واقعہ لوٹ مار کا نہیں ، مزید تحقیقات جاری ہے۔
ورثا کے مطابق مقتول بائیک رائیڈر تھا، عزیز آباد دو نمبر کا رہائشی اور ماں باپ کا اکلوتا بیٹا تھا۔
مزید پڑھیں : کراچی میں ڈکیتی مزاحمت پر 20 سالہ نوجوان قتل
یاد رہے چند ہفتے قبل اورنگی ٹاؤن کے علاقے ڈسکو موڑ کے قریب جوس سینٹر میں ڈکیتی کی کوشش کے دوران ڈاکو کی فائرنگ سے ایک شہری شدید جاں بحق ہو گیا تھا.
قتل کے بعد فرار ہونے والے ایک ڈاکو کو شہری نے فائرنگ کرکے موت کے گھاٹ اتار دیا تاہم ڈاکو کا ساتھی فرار ہوگیا تھا۔
