بھارتیہ جنتا پارٹی کےسینئر رہنما سبرامنیئن سوامی نے اعتراف کیا ہے کہ حالیہ جنگ میں پاکستان نے بھارت کے 5 طیارے مار گرائے۔
اے آر وائی نیوز کے مطابق گزشتہ ماہ 22 اپریل کو ہندوستان کے زیر قبضہ کشمیر میں پہلگام میں فالس فلیگ آپریشن کی آڑ میں 7 مئی کو رات کی تاریکی میں پاکستان کے شہری علاقوں پر حملہ کیا تھا۔
پاک فوج نے فوری طور پر جوابی کارروائی کرتے ہوئے بھارت کے فرانسیسی ساختہ رافیل طیاروں سمیت 6 طیارے اور درجنوں اسرائیلی ساختہ ڈرونز بھی مار گرائے تھے۔
بعد ازاں بھارتی کے جنگی جنون میں کمی نہ آنے پر پاک فوج نے مودی سرکار کے نام نہاد آپریشن سندور کے جواب میں 10 مئی کی علی الصباح آپریشن بنیان مرصوص کے ذریعے دندان شکن جواب دیتے ہوئے بھارت کا ایئر ڈیفنس سسٹم تباہ کر کے اسے چند گھنٹوں میں ہی گھٹنے ٹیکنے پر مجبور کر دیا تھا۔
جنگ بندی کے بعد خود بھارت میں پاکستان کی جانب سے بھارتی طیارے گرائے جانے سے متعلق سوالات کیے گئے لیکن سب کو اس معاملے پر سانپ سونگھا ہوا ہے۔
تاہم گھر کا بھیدی لنکا ڈھائے کے مترادف بھارتیہ جنتہ پارٹی کے سینئر رہنما سبرامنیئن سوامی نے بالآخر اعتراف کر ہی لیا کہ حالیہ جنگ میں پاکستان نے بھارت کے پانچ طیارے مار گرائے ہیں۔
ایک انٹرویو جس کی ویڈیو سوشل میڈیا پر بھی تیزی سے وائرل ہو رہی ہے۔ اس میں سبرامنیئن سوامی نے نہ صرف پاکستان کی جانب سے بھارت کے پانچ طیارے مار گرانے کا اعتراف کیا بلکہ وزیراعظم مودی سے 5 طیارے گرنے پر سوال بھی اٹھا دیا اور کہا کہ امید ہے کہ مودی طیارے گرنے پر بھارتی عوام کو سچائی سے آگاہ کریں گے۔
ان کا کہنا تھا کہ طیارے چین کے تھے لیکن بھارتی طیاروں کو پاکستان نے تباہ کیا۔ چین نے پاکستان کو بہترین لڑاکا طیارے دیے جب کہ بھارت کو فرانس سے ملنے والے طیارے اچھے نہیں تھے۔
سینئر بی جے پی رہنما نے یہ بھی دعویٰ کیا کہ مودی کے ہوتے ہوئے طیارے گرنے پر تحقیقات یا بات چیت ممکن نہیں ہے۔
Indian BJP (ruling party) leader Subramanian Swamy admits on record that Pakistan Air Force shot down 5 Indian jets including Rafales. He then goes on to trash Rafale itself. pic.twitter.com/wopAhOk1G8
— FJ (@Natsecjeff) May 30, 2025
واضح رہے کہ بھارت کی شرمناک پسپائی کے باوجود انتہا پسند مودی کی زبان پاکستان کے خلاف مسلسل آگ اگل رہی ہے جب کہ انڈین میڈیا بھی بھارتی فوج کی شرمناک شکست کو فتح میں دکھانے کے لیے نت نئے جھوٹ گڑھ کر ایک ارب سے زائد ہندوستانیوں سمیت دنیا بھر کو بے وقوف بنانے کی ناکام کوشش کر رہا ہے۔ تاہم اب بھارت میں بھی انڈین طیارے گرائے جانے پر سوالات اٹھائے جا رہے ہیں لیکن حکمراں طبقے کے پاس اس کا کوئی جواب نہیں ہے۔
دفاعی معاہدوں میں کرپشن ، بھارتی ائیر چیف کے سنسنی خیز انکشافات
