آئندہ مالی سال کا بجٹ 10 جون کو پیش کیا جائے گا اس بجٹ میں ترقیاتی بجٹ کی مد میں بڑی رقم مختص کرنے کی تجاویز ہیں۔
اے آر وائی نیوز کے مطابق اگلے مالی سال 26-2025 کے لیے بجٹ 10 جون کو پیش کیا جانا ہے اور بجٹ کے خدوخال کو حتمی شکل دینے کی تیاریاں آخری مراحل میں ہیں۔ اس بجٹ میں ترقیاتی بجٹ کی مد میں 1065 ارب روپے مختص کرنے کی تیاریاں ہیں۔
ذرائع کا کہنا ہے کہ اس حوالے سے سالانہ پلان کو آرڈینیشن کمیٹی کا اجلاس 2 جون کو طلب کر لیا گیا ہے۔ اور مجوزہ وفاقی ترقیاتی پلان کی منظوری اے پی سی سی سے لی جائے گی۔
ترقیاتی بجٹ میں این ایچ اے کے لیے 170 ارب روپے، آبی وسائل کے لیے 140 ارب، پاور ڈویژن کے لیے 105 ارب روپے کے ترقیاتی بجٹ مختص کرنے کی تجاویز ہیں۔
اس کے علاوہ ہائیر ایجوکیشن کے منصوبوں کے لیے 50 ارب، نیشنل فوڈ سیکیورٹی کے ترقیاتی منصوبوں کے لیے 4 ارب، وزارت اطلاعات ونشریات کے لیے 3 ارب، صنعت اور پیداوار کے لیے تین، تین ارب، میری ٹائم کے لیے 3.5 اور بین الصوبائی رابطے کے لیے 1.5 ارب کا ترقیاتی بجٹ مختص کرنے کی تجاویز ہیں۔
