سوراب میں بینک اور انتظامی افسر کی رہائش گاہ پر دہشت گردوں نے بزدلانہ حملہ کیا ہے۔
سوراب بازار میں بینک لوٹ لیا گیا اور سرکاری افسران کے گھر جلائے گئے، حملے کے دوران اے ڈی سی ریونیو ہدایت بلیدی نے لڑتے ہوئے جام شہادت نوش کیا۔
ترجمان بلوچستان حکومت کے مطابق حملہ ریاست رٹ کو چیلنج کرنے کی مذموم کوشش ہے۔
ترجمان بلوچستان حکومت کے مطابق وطن کے سپاہی نے جان کا نذرانہ دے کر بہادری کی نئی مثال قائم کی ہے، اے ڈی سی رہائشگاہ پر خواتین اور بچے موجود تھے۔
بلوچستان حکومت کے مطابق بھارت کی پراکسیز نے ان کی ایما پر کارروائی کی ہے، ریاست دشمن عناصر کی ہر کوشش ناکام بنانے کا عزم کرتے ہیں۔
ترجمان بلوچستان حکومت کا کہنا ہے کہ دہشت گردوں کے خاتمے کے لیے علاقے میں سرچ آپریشن جاری ہے، ایف سی، پولیس اور لیویز علاقے میں پہنچ گئی ہیں۔
