لاہور : پولیس نے پوش علاقوں میں منشیات کی بڑی ترسیل ناکام بناتے ہوئے منشیات ڈیلر کو گرفتار کرلیا۔
تفصیلات کے مطابق لاہور میں اے ایس پی ڈیفنس شہر بانو نقوی کی سربراہی میں پولیس ٹیم نے کارروائی کرتے ہوئے پوش علاقوں میں منشیات کی بڑی ترسیل ناکام بنادی اور منشیات ڈیلر کو گرفتار کرلیا۔
بین الاضلاعی منشیات ڈیلر راشد حسین سے بیئر کی پیٹیوں سے بھرا منی ٹرک برآمد ہوا۔
اے ایس پی ڈیفنس شہر بانو نقوی نے بتایا کہ ملزم کے قبضے سے 10ہزار بیئر کین برآمد ہوئے، ملزم منی ٹرک کنٹینرمیں منشیات لیکر جا رہا تھا خفیہ اطلاع پرگرفتار کیا گیا ہے۔
اے ایس پی ڈیفنس کا کہنا تھا کہ ملزم نے پوش علاقوں میں منشیات بیچنے کا انکشاف کیا تاہم مقدمہ درج کرلیا گیا ہے۔
مزید پڑھیں : مہنگی ترین منشیات ویڈ کی اسمگلنگ کا نیا طریقہ سامنے آگیا
دوسری جانب مانگا منڈی پولیس نے کارروائی کرتے ہوئے 2 منشیات فروشوں کو گرفتار کرکے چرس برآمد کرلی۔
لاہور: ملزمان کی شناخت عرفان عرف فانی اورامیرعلی کےنام سےہوئی، ملزمان سےلاکھوں روپے کی 5 کلو 200 گرام سے زائد چرس برآمد ہوئی۔.
ملزمان نے تعلیمی اداروں، ہوسٹلز اور کالجز کے اطراف جوان نسل کو منشیات بیچنے کا اعتراف کیا تاہم ملزمان کیخلاف مقدمہ درج کرکے مزید تحقیقات کا آغاز کر دیا گیا ہے۔
