فتنہ الہندوستان کے بلوچستان میں دہشت گرد حملے جاری ہیں، بھارت کے بلوچستان کی سرزمین پر ملوث ہونے کے مزید شواہد سامنے آگئے۔
معرکہ حق میں ناکامی کی ہزیمت چھپانے کیلئے بھارت نے اپنی پراکسیز کا استعمال دوبارہ شروع کر دیا، بلوچستان میں بھارتی سرکردہ فتنہ الہندوستان معصوم بلوچ بچوں اور خواتین کو نشانہ بنانے لگی، بھارت منظم منصوبے کیساتھ اسپانسرڈ دہشت گردوں سے بلوچستان میں حملے کروا رہا ہے۔
مزدوروں کا قتل، جعفر ایکسپریس، اے پی ایس بس خضدار اور سوراب حملہ بھارتی دہشتگردی کی کڑی ہے، فتنہ الہندوستان کے حملے کے بعد بھارتی میڈیا پر وار فیئر چلنا شروع ہو جاتی ہے۔
فتنہ الہندوستان کے بلوچستان میں ہر حملے کے بعد بھارتی میڈیا اسے خوب اچھالتا ہے، ہر حملے سے پہلے اور بعد میں بھارتی سوشل میڈیا ان خبروں کو پھیلاتا ہے۔
بھارتی خفیہ ایجنسی را سے منسلک سوشل میڈیا اکاؤنٹس متحرک نظر آتے ہیں ، جعفر ایکسپریس حملے کے بعد بھارتی میڈیا نے جعلی اور اے آئی ویڈیوز تک چلائیں۔
تمام شواہد فتنہ الہندوستان کے ہر حملے کی منظم بھارتی منصوبہ بندی کی نشاندہی کرتے ہیں، فتنہ الہندوستان کے ہر حملے پر بھارتی میڈیا کا پروپیگنڈا دہشتگردوں کے بیانیے کو سپورٹ کرتا ہے۔
بھارت کو پانی بطور ہتھیار استعمال نہیں کرنے دیں گے، وزیراعظم
