عازمین حج کو سعودی عرب پہنچانے کے آپریشن کا آج آخری روز ہے، سرکاری حج اسکیم کے تحت 86ہزار 955عازمین حجازمقدس پہنچ گئے۔
تفصیلات کے مطابق حج فلائٹ آپریشن کے آخری روز 4 پروازوں سے 1305 عازمین مکہ مکرمہ پہنچیں گے، حجاز مقدس پہنچنے والے پاکستانی سرکاری عازمین کی تعداد 88 ہزار 260 ہوگی، حج آپریشن کا آغاز 29 اپریل کو ہوا، مجموعی طور پر 342 پروازیں چلائی گئیں۔
حج آپریشن 33 روز تک جاری رہا، ابتدائی 15 دنوں میں پاکستان سے جانے والے عازمین کو مدینہ منورہ پہنچایا گیا۔
سعودی عرب: 13 لاکھ سے زائد عازمین حج مقدس سرزمین پہنچ گئے
نجی اسکیم کے تحت 22 ہزار 75 پاکستانی عازمین کو سعودی عرب پہنچا دیا گیا، قومی، نجی اور سعودی فضائی کمپنیوں نے عازمین کو پہنچانے کے آپریشن میں حصہ لیا۔
نجی حج اسکیم کے تحت 25 ہزار 698 پاکستانی حج ادا کرینگے، منیٰ عرفات میں خیموں کی تنصیب اور دیگر انتظامات آخر مراحل میں داخل ہوگئے۔
اس بار حج 2025 میں 470 حج ناظمین کو متعین کیا گیا ہے، ہر ناظم 188 پاکستانی عازمین کی مدد و رہنمائی کریں گے۔
