لاہور: عیدالضحیٰ کے دوران پنجاب میں عارضی نصب ہونے والے مکینیکل جھولوں پر پابندی عائد کر دی گئی۔
ترجمان محکمہ داخلہ پنجاب کے مطابق عارضی نصب ہونے والے مکینیکل جھولوں پر پابندی کا فیصلہ انسانی جانوں کے تحفظ کے لیے لیا گیا۔
ترجمان کا کہنا ہے کہ پارکس میں مستقل بنیادوں پر نصب مکینیکل جھولوں کیلئے فٹنس سرٹیفکیٹ ہونا لازمی قرار دیا گیا ہے اس کے علاوہ پارکس میں مستقل بنیادوں پر نصب مکینیکل جھولوں کے فٹنس سرٹیفکیٹ حاصل کیے جائیں گے۔
ترجمان کا کہنا ہے کہ مستقل نصب مکینیکل جھولوں کے مالکان یا آپریٹرز فٹنس سرٹیفکیٹ حاصل کریں، مستقل نصب جھولے جن کے سیکیورٹی پروٹوکولز پر عمل کیا جارہا ہے ان پر پابندی نہیں لگائی گئی۔
ترجمان کا کہنا ہے کہ عیدالاضحی کی تعطیلات میں شہریوں خصوصاً بچوں کی بڑی تعداد مکینیکل جھولوں کا استعمال کرتی ہے اس لیے عید تعطیلات کے دوران عارضی طور پر نصب مکینیکل جھولوں پر پابندی ہوگی، محکمہ داخلہ پنجاب نے صوبے بھر کے ڈپٹی کمشنرز کو ہدایت جاری کردی ہے۔
