پنجاب کی وزیر اطلاعات عظمیٰ بخاری نے کہا ہےکہ بانی پی ٹی آئی اس وقت شدید مایوس ہیں اور ڈپریشن کا شکار ہو چکے ہیں۔
اے آر وائی نیوز کے مطابق پنجاب حکومت کی وزیر اطلاعات عظمیٰ بخاری نے لاہور میں میڈیا سے گفتگو کرتے ہوئے کہا ہے کہ شیخوپورہ سمیت تمام ضمنی الیکشن بھی ن لیگ ہی جیتی تھی اور پوری امید ہے کہ سمبڑیال کا ضمنی الیکشن بھی ن لیگ بڑے مارجن سے جیتے گی۔
عظمیٰ بخاری نے کہا کہ پنجاب کے عوام مریم نواز پر مکمل اعتماد کا اظہار کر رہے ہیں۔ پنجابمیں 400 ووٹ لینے والی جماعت بھی دھاندلی کی شکایت کرتی ہے، یہ ان کی فرسٹریشن ہے۔
ن لیگی رہنما نے مزید کہا کہ بانی پی ٹی آئی عمران خان شدید مایوسی اور ڈپریشن کا شکار ہو چکے ہیں اور اس ڈپریشن میں وہ الٹے سیدھے بیانات دے کر اپنے چیلوں کا لہو گرماتے ہیں۔ ڈیل جیسے الفاظ بطور ہتھیار استعمال کرنے والا آج خود ڈیل کا متلاشی ہے۔
عظمیٰ بخاری نے یہ بھی کہا کہ مذہبی ٹچ دینا بانی پی ٹی آئی کا پرانا وتیرہ ہے۔ قوم جان چکی ہے کہ عمران خان کی اہلیہ بشریٰ بی بی سزا یافتہ کرپٹ خاتون اول ڈکلیئر ہوئیں اور انہوں نے خاتون اول کاعہدہ ’کرپشن کی ٹھیکیدار‘ کے طور پر استعمال کیا۔
بانی پی ٹی آئی کا حکومت کیخلاف احتجاجی تحریک شروع کرنے کا اعلان
