پیرس اولمپکس کے بعد ایشین ایتھلیٹکس چیمپئن شپ میں بھی بھارتی حریف کو ہرا کر گولڈ میڈل جیتنے والے ارشد ندیم نے قوم نے نام خاص پیغام دیا ہے۔
قومی ہیرو جیولین تھرو چیمپئن ارشد ندیم نے پیرس اولمپکس کے بعد گزشتہ روز جنوبی کوریا میں ایشین ایتھلیٹکس چیمپئن شپ کے فائنل میں روایتی حریف بھارتی کھلاڑی کو واضح مارجن سے شکست دے کر گولڈ میڈل جیتا اور پاکستانی قوم کا ایک بار پھر سر فخر سے بلند کردیا۔
ارشد ندیم جو گولڈ میڈل جیتنے کے بعد آج شب وطن واپس پہنچیں گے۔ انہوں نے وطن واپسی سے قبل قوم کے نام ایک خاص پیغام جاری کرتے ہوئے کہا ہےکہ تمغہ جیتنے پر فخر ہے۔ پوری قوم کی دعاؤں کی بدولت اللہ تعالیٰ نے مجھے کامیابی اور پاکستان کو عزت بخشی ہے۔
ان کا کہنا تھا کہ ایشین ایتھلیٹکس چیمپین شپ میں گولڈ میڈل میری اور کوچ کی محنت کا نتیجہ ہے، آج رات ان شااللّٰہ لاہور ایئر پورٹ پہنچ رہا ہوں۔
ارشد ندیم نے یہ بھی کہا کہ بڑی خوشی ہو رہی ہے، پیرس اولمپکس کے بعد یہ میرا پہلا ایونٹ تھا، اللّٰہ تعالیٰ نے اس ایونٹ میں بھی پاکستان کو فتح دی۔
خیال رہے کہ جنوبی کوریا میں منعقد ہونے والی ایتھلٹکس چیمپئن شپ میں ارشد ندیم نے تاریخ رقم کرتے ہوئے 52 سال بعد پاکستان کے لیے سونے کا تمغہ جیتا لیا۔
ارشد ندیم سے قبل ایشین ایتھلیٹکس کی تاریخ میں پاکستان نے آخری بار 1973 میں گولڈ میڈل جیتا تھا۔
ایشین ایتھلیٹکس کی تاریخ میں پاکستان نے آخری مرتبہ 1973 میں فلپائن میں ہونے والے ایونٹ میں پاکستان نے 2 گولڈ میڈل جیتے تھے۔ان میں 800 میٹر کا گولڈ میڈل محمد یونس نے اور جیولین تھرو کا گولڈ میڈل اللہ داد نے جیتا تھا۔
ارشد ندیم نے ایک بار پھر قوم کے دل جیت لیے، ایشین ایتھلیٹکس چیمپئن شپ میں جیولن تھرو کے فاتح قرار
