کراچی: کیماڑی کے جزیرے میں پولیس نے کارروائی کرتے ہوئے گٹکا ماوا بنانے والی بڑی فیکٹری پکڑی لی۔
تفصیلات کے مطابق کیماڑی کے جزیرے میں پولیس نے کارروائی کرتے ہوئے غیر قانونی طور پر بنائی گئی فیکٹری کے اندر بھاری مقدار میں گٹکا اور ماوا برآمد ہوا۔
پولیس کا کہنا ہے کہ فیکٹری میں موجود سامان تحویل میں لے لیا گیا ہے جبکہ کارروائی کے لیے پولیس اس جزیرے تک کشتی میں پہنچی تھی۔
پولیس حکام کا کہنا ہے کہ فیکٹری سے ماوا بنا کر کراچی کے مختلف علاقوں میں سپلائی کیا جاتا تھا، ملزمان اندھیرے کا فائدہ اٹھاتے ہوئے جزیرے سے فرار ہو گئے۔
کراچی انٹرنیشنل میل آفس میں37 کروڑ کی نشہ آور گولیاں پکڑی گئیں
دوسری جانب کراچی کے علاقے پاک کالونی میں پولیس کے آپریشن کے دوران گٹکا اور ماوا بنانے والی فیکٹری پکڑی گئی تھی، ڈسٹرکٹ ساؤتھ پولیس کے آپریشن کے دوران علاقے کی ناکہ بندی کی گئی اور مخصوص گھروں کی تلاشی بھی لی گئی تھی۔
پولیس کا کہنا ہے کہ فیکٹری سے بڑی مقداد میں چھالیہ برآمد ہوئی، آپریشن کئی گھنٹے جاری رہا، کارروائی کے دوران گٹکا اور ماوا بنانے کی مشینیں بھی تحویل میں لے لی گئیں۔
پولیس کا کہنا ہے کہ گٹکا اور ماوا بنانے کا سامان بھی پولیس نے تحویل میں لے لیا، سامان اس قدر زیادہ تھا کہ اسے ٹرک کی مدد سے تھانے منتقل کیا گیا۔
