کراچی: پاکستان اسٹاک ایکسچینج میں کاروبار کا منفی پر اختتام ہوا ہے۔
پاکستان اسٹاک ایکسچینج میں کاروباری ہفتے کے چوتھے دن اتار چڑھاؤ کے بعد انڈیکس میں 157 پوائنٹس کی کمی ہوئی اور 100 انڈیکس ایک لاکھ 21 ہزار 641 پوائنٹس پر بند ہوا۔
ٹریڈنگ کے دوران آج انڈیکس کی بلند ترین سطح ایک لاکھ 22 ہزار 281 پوائنٹس رہی۔ مندی کی وجہ سے انڈیکس ایک لاکھ 21 ہزار 516 پوائنٹس کی کم سطح پر ٹریڈ ہوا۔
آج مجموعی طور پر 487 کمپنیوں میں شیئرز کا کاروبار ہوا، مارکیٹ میں 25 ارب روپے مالیت کے 25 کروڑ حصص کے سودے ہوئے۔
216 کمپنیوں کے حصص کی قیمتوں میں اضافہ اور 208 میں کمی ہوئی۔
