واشنگٹن :امریکی محکمہ خارجہ کے نائب ترجمان ٹامی پگٹ نے امریکا آنے والوں کو خبردار کرتے ہوئے کہا جانچ پڑتال کو مزید سخت کیا جارہا ہے۔
تفصیلات کے مطابق امریکی محکمہ خارجہ کے نائب ترجمان ٹامی پگٹ نے پریس کانفرنس کرتے ہوئے کہا کہ سفری پابندیوں کا فیصلہ امریکیوں کی سلامتی کویقینی بنانے کیلئے ہے۔
ٹامی پگٹ کا کہنا تھا کہ امریکا آنے والوں کی جانچ پڑتال کو مزید سخت کیا جارہا ہے، سفری پابندی والے ممالک سےجانچ پڑتال کو بہتر کرنے کیلئے رابطے ہیں۔
امریکی محکمہ خارجہ کے نائب ترجمان نے کہا کہ امریکا اس وقت اسرائیل کے ساتھ کھڑا ہے اور ایران کو واضح کردیا ہے کہ جوہری ہتھیارحاصل نہیں کرنے دیں گے۔
یوکرین روس جنگ کے حوالے سے ان کا کہنا تھا کہ صدرٹرمپ واضح کرچکےہیں یوکرین روس جنگ اب بند ہونی چاہیے، روس یوکرین کے درمیان براہ راست بات چیت دیکھنا چاہتے ہیں۔
مزید پڑھیں : امریکی صدر نے 12 ممالک پر مکمل سفری پابندی کا اعلان کردیا
یاد رہے امریکی صدر ڈونلڈ ٹرمپ نے 12 ممالک پر مکمل سفری پابندی عائد کی تھی۔
یہاں یہ بات قابل ذکر ہے کہ سفری پابندی کے شکار ممالک میں پاکستان شامل نہیں ہے۔ صدارتی حکم نامے کے تحت سفری پابندیوں کا اطلاق آئندہ پیر سے ہوگا۔
جس ممالک پر مکمل سفری پابندیاں عائد کی گئی ہیں ان میں افغانستان، ایران، یمن، لیبیا اور صومالیہ، سوڈان ،کانگو، برما، چاڈ، ایریٹیریا، استوائی گنی اور ہیٹی شامنل ہیں۔
