کراچی: ناردرن بائی پاس مویشی منڈی میں بڑے جانوروں کی قیمت 70 سے 80 ہزار روپے تک گرگئی۔
تفصیلات کے مطابق عید الاضحیٰ میں ایک دن رہ گیا ہے ، گلی محلے بھی جانوروں سے بھرگئے اور بچے بڑے سب ہی جانوروں کی آؤ بھگت میں مصروف ہیں۔
کراچی، لاہور،پشاوراور کوئٹہ سمیت ملک کی چھوٹی بڑی مویشی منڈیوں میں آج صبح سے ہی زبردست رش لگا ہوا ہے اور لوگ رات سے مویشی منڈی میں سودا بنانے کی کوششیں کررہے ہیں اور جانوروں کی خریداری کیلئے بیوپاریوں اور خریداروں میں بھاؤ تاؤ جاری ہیں۔
کراچی میں قربانی کے جانوروں کی ناردرن بائی پاس مویشی منڈی میں آمد کا سلسلہ جاری ہے۔
مزید پڑھیں : بھاؤ تاؤ اور نہ بحث وتکرار، مویشی منڈی آئیں اور اپنی پسند کا جانور لے جائیں!
مویشی دوست منڈی میں بڑےجانوروں کی قیمت70سے80ہزارروپے گرگئی، ساڑھے 3 من کا جانور 2 لاکھ 10 ہزار میں فروخت ہو رہا ہے۔
ملک بھر سے مویشی منڈی میں ڈھائی لاکھ سے زائد قربانی کے جانورلائے گئے، ایڈمنسٹریٹرشہاب علی نے کہا کہ ڈیڑھ لاکھ سے زائد قربانی کے جانوروں کے سودے ہوچکے ہیں، مختلف بلاکس میں 80 سے 85 ہزار قربانی کے جانورموجود ہیں۔
